Održano predavanje na temu prisustva govora mržnje na društvenim mrežama

Predstvanice Građanske alijanse  Mehdina Kašić Šutković i Aleksandra Dubak su 24. oktobra u našoj školi  govorile  na temu prisustva govora mržnje na društvenim mrežama.  Predavanju, koje se se realizovalo u okviru projekta „Youth combating hate speech“, prisustvovali su učenici II razreda grupe izbornog predmeta Građansko obrazovanje kao i pedagoškinja Ivana Vukašinović i profesorica Adisa Malagić.

Putem edukativne prezentacije pod nazivom „ Etičko izvještavanje medija o ranjivim grupama” učenicima su predstavljeni rezultati istraživanja koje je Građanska alijansa sprovela a koje se ticalo uvredljivih komentara na društvenim mrežama.

Cilj predavanja je povećanje nivoa znanja i svijesti mladih ljudi o važnosti nediskriminacionog govora u Crnoj Gori, kao i promovisanje ključnih vrijednosti i pružanje osnovnih informacija o stereotipima i govoru mržnje. Mladima su dati i savjeti na koji način kao korisnici društvenih mreža mogu doprinijeti smanjenju govora mržnje na društvenim mrežama ali i kako se zaštititi od navedenih negativnih pojava.